Төмөр замын дагуу энэ  сарын 15- 22-ныг хүртэл цаг агаарын урьдчилсан төлөвөөс үзэхэд, 15-нд замын хойд хэсгээр ялимгүй цас орно. 18-19-нд замын ихэнх хэсгээр, 20-нд замын өмнөд хэсгээр цас орж, салхи замын дагуу 7-12м/с,18-19нд замын өмнөд хэсгээр зарим үед 18-20м/с хүрч цасан болон  шороон шуурга шуурна. Агаарын температур 15-16-нд замын хойд хагаст өдөртөө 5-10, шөнөдөө 15-20 хэм хүйтэн, замын өмнөд хагаст өдөртөө 2-7 хэм  дулаан, шөнөдөө 6-11 хэм  хүйтэн байна. 17-нд замын хойд хэсгээр, 18-21-нд ихэнх хэсгээр  хүйтний эрч чангарч замын хойд хэсгээр өдөртөө 12-17,  шөнөдөө 25-30 хэм хүйтэн, замын өмнөд хэсгээр өдөртөө 5-10, шөнөдөө 17-22  хэм хүйтэн байх төлөвтэй. 

 

Урьдчилан мэдээлэх хэлтэс