Өнгөрсөн долоо хоногт тээврийн хэмжээ нэмэгдэж, энэ ачаалалтай үед  зүтгүүр, замын байдал хэвийн  ажиллаж байгааг Замын дарга онцлоод  зарим зүйлийг дээрх  албадын удирдлагуудаас тодрууллаа. Замын суурь бүтэц хариуцсан орлогч дарга Д.Батбаатар “Замын хэмжээнд нийт 20 км замд дунд засвар хийх төлөвлөгөөтэй. Өнөөдрийн байдлаар 15 км замд хийгээд байна. Зам засварын машинт станцын замчид Замын-Үүд-Шаргын-Овоо хоорондын 6 км замд дунд засварын ажил хийж байна. Залгуулаад замын их засвар эхэлнэ. Ер нь, гол зам болон Баянтүмэн тасагт дэр модны аж ахуй хүндрэх төлөвтэй байна. Гол зам дээр паспортжуулах үзлэг  хийж дууссан. Эндээс харахад, дэр модны хэрэгцээ их гарах нь. Зүүнхараагийн мод боловсруулах үйлдвэр 22 мянган дэр модоор  замын аж ахуйг хангана. Үлдсэнийг нь худалдаж авах  хэрэгцээ гарна. ОХУ-аас нарсан дэр мод орж ирдэг ч шаардлага хангахгүй байна. Харин хар модон дэр аваад Зүүнхараад идээлэх арга замыг судлаж байна” гэлээ.  Үүний хариуд Замын дарга дэр модны хангалтын талаар техникийн нөхцөл байдлыг судлах үүрэг өгсөн юм.